Туган тел кабинеты

Нигез итеп хезмәтемдә

Остазларның тәҗрибәсен,

Укучыларыма бирәм

Акыл, күңел тәрбиясе.

Тәрбиянең үзәгендә

Таянырлык иң зур терәк –

Туган тел һәм әдәбият

Кабинеты булу кирәк.

Һәркемгә дә иң газиз тел

Ана теле булсын өчен,

Хезмәттән тәм табып эшлим,

Кабинетка куям көчем.

Туган тел серләрен ачам,

Тел –милләтнең сакчысы ла.

Әдәбият ишек ача

Биниһая киң дөньяга.

Гасырларны кичеп үтеп,

Ни кичергән газиз халкым-

Күңелләргә күпер сала

Гали, гади кабинетым.

Шәкертләрем тәрбияле,

Мәгърифәтле булсын өчен

Тырышам мин. Шул максатка

Юнәлтелгән бөтен эшем.

Рәхим-шәфкать, кадер-хөрмәт –

Кабинетта шыткан шытым.

Телле итә, моңлы итә,

Динле итә кабинетым.