Вторник, 19.03.2024
Гакыйль Сәгыйров йолдызлыгы
Төп бүлекләр
Аралашу
50
Календарь
«  Март 2024  »
ПнВтСрЧтПтСбВс
    123
45678910
11121314151617
18192021222324
25262728293031
Тыңлап укыгыз
Һава торышы
Cайт буенча эзләү
Сораштыру
Оцените мой сайт
Всего ответов: 124
------------------------
Сезгә ничә яшь?

Всего ответов: 118
Файдалы сылтамалар
  • Единый Портал- Республика Татарстан
  • Электронное образование
  • Официальный сайт города Нурлат
  • Поисковая система Google
  • Яндекс
  • Мәгълүмат


    Онлайн кулланучылар: 1
    Кунаклар: 1
    Кулланучылар: 0
    Сайтка кергән:
    Керү формасы

             Биредә якташыбызга багышланган фикерләр, әсәрләр урын алыр.


    Нурлат мәдәният йортында шагыйрьнең 70 яшьлек юбилее вакытында


     
            Без якташыбызда кунакта


    Якташка  укучылардан шигъри һәйкәл
    Г.Сәгыйровның 70 яшьлек юбилеена багышлап
    Бәйрәмегез белән котлап,
    Шигырь язарга булдым.
    Чөнки язмый булдыра алмыйм
    Киңәшчедән бик уңдым.
    Ә киңәшчем - әйбәт кеше
    Әле бик карт та түгел -
    Менә нәрсәләрне уйлый
    Сезнең турында күңел.
    Бәйрәмегез килеп җиткән,
    Үтелгән күпме юллар.
    Сизелмичә үтеп киткән,
    Вакыйгага бай еллар.
    Еллар үтсен, иң мөһиме:
    Яшь булып калсын күңел.
    Әле менә карап торсаң
    Сез бер дә бабай түгел.
    Күңелегез - иң зур диңгез,
    Бөтен вакыйга сыя.
    Шул вакыйга биткә төшә
    Шатлыгын тоя - тоя.
    Шулай меңләгән шигырьләр
    Күңелдән үтеп чыккан,
    Бик күп кеше күңелендә
    Алар урынын тапкан.
    Сезнең үз дөньягыз бар бит,
    Шундый матур ул дөнья.
    Шигырь укып, барып кайта
    Һәрбер укучы анда.
    Шундый кызык ул дөньяда,
    Бар да гөлгә күмелгән.
    Анда мәхәббәт - чын патша -
    Сөяләр чын күңелдән.
    Шатлык-бәхет көтсен алда,
    Уңышлар юлдаш булсын!
    Күңел тагын мең шигырьлек
    Уй-хисләр белән тулсын!
    Бик күп еллар типсен иде
    Сездәге батыр йөрәк.
    Миңа, шәхсән, һәрвакытта
    Киңәшләрегез кирәк.
    "Гакыйль абый нишләр иде
    Бу авырлык каршында?"
    Диеп куям кайчагында
    Уйлап Сезнең турында!
    Ишетәсем килми Сездән
    "Картайдым" дигән сүзне.
    100 яшендә булсагыз да
    Яратам үзегезне!!!
    Гакыйль абый шәкерте Ралия Әһлиуллина. Биккол.

          Гакыйль абыйга               
    Мәктәбебез каршына
    Килеп туктады "Ока”.
    Чия төсендә булгач,
    Беләбез: Гакыйль ага.
    Якташыбыз ул безнең,
    Шагыйрь, әле рәссам да.
    Бик яхшы таныш безгә
    Үзе дә ул, "Ока”да.
    Очрашуга килеп тора,
    Безнең белән сөйләшә.
    Бүләккә дип алып килгән
    Китапларын өләшә.
    Рәхмәтле без, Гакыйль абый,
    Матур бүләкләреңә.
    Илһам өсти очрашулар
    Яшь шагыйрь йөрәгенә.
             Әхмәтшина Илүзә, Биккол. 

     Гакыйль абыйга
    Батыр, көчле шагыйрь Гакыйль абый
    Безнең якта үскән, чыныккан.
    Нурлы Нурлат– туган җирен, халкын
    Рәсем-шигырьләре белән җылыткан.
    Нык холыклы, ихтыярлы, үрнәк,
    Үз халкына бик тә кирәкле,
    Ышанычлы дус ул, тугры иптәш,
    Бик ярдәмчел, кыю йөрәкле.
    Һәр минуты көрәш белән үтә,
    Тик югалтмый яшәү мәгънәсен.
    Якташларның ярдәмнәрен тоеп,
    Әле тагын озак яшәсен!
                Гөлназ Әһлиуллина

    Хатирәләр авазы
          Гакыйль абый Әхмәт авылының башлангыч мәктәбен тәмамлаганнан соң, укуын безнең Биккол (ул вакытта җидееллык) мәктәбендә дәвам итә. Сыйныфташлары аның турында теләп, яратып сөйлиләр. 
         "Мин Гакыйль Сәгыйров белән 5 - 6 нчы сыйныфларда бергә укыдым.Ул минем хәтергә тәртипле, әдәпле, тырыш һәм үрнәк укучы буларак кереп калды. Мәктәптә иң булдыклы укучы иде Гакыйль. Бөтен яклап та булдыклы: шигырьләр дә язгалый, ул ясаган рәсемнәргә "10” лы билгесе куйсаң да таманга туры килер сыман иде. Мәктәптә күп кенә эшләр Гакыйль Сәгыйров тарафыннан башкарылды: сыйныф һәм пионер почмакларын ясый, башка күргәзмә әсбапларны да ул бизәкли иде”,- дип искә алды Фатыйх Минехан улы Галимов.
       "Гакыйль белән бер сыйныфта укыган чакларым бары татлы бер төш кенә кебек. Күп еллар узды бит. Ләкин ул әле дә күз алдымда: ябык йөзле, чандыр гәүдәле, бераз аксабрак йөргән егет. Алда әйткәннәргә шуны өстим: ул бик ярдәмчел, гади иде. Үзенең акыллы, башлы булуы белән масаймады, дәресне аңламаганнарга теләп ярдәм итте. Аның алдындагы партада утырганга, миңа күбрәк тә булышты әле ул”, - дип сөйли Гамбәр апа Сәфәргалиева.
           Шагыйрьнең яшьтәше Гаязова Мөзәянә апа менә нәрсә дигән иде: "Әхмәт авылыннан Иске Җүрәй авылына күченеп киткән вакытларын хәтерлим. Тәнәфес вакыты туры килгәнгә, без аларны күреп алдык һәм каршы чыгып озатып калдык. Тагын аның Шәрәпов Ильяс белән бик дус булуын, мәктәпнең кыйбла ягында бергә уйнауларын яхшы хәтерлим. Ул беркайчан дәрескә соңга калмады, гел үрнәк укучы булды, һәрчак "5” ле ала иде”. 

         Гакыйль Сәгыйровка багышланган монтаж шигырьләре:
    Әхмәт – Биккол арасының
    Юлы бормалы, озын.
    Шәрифулла шунда күрә
    Хәбибҗамал газизен.           
    Ике йөрәк бергә тибә,
    Аларны тиң диделәр.
    Туды шатлык, килде кайгы -
    Барсын бергә җиңделәр.
         Тормыш гел кирегә бармый -
    Яңадан таңнар атты.
    Кышның матур бер көнендә
    Туды сабый – Гакыйль атлы.
    Әхмәт аңа очар канат биргән,
    Дөнья киңлегенә юл ачкан.
    Тормышында дөрес юл табарга
    Бикколым да аңа булышкан.
     Күлләрең лә балкып тулган
    Нурга чумган Бикколым.
         Мәңге сиңа гашыйк булган
    Мин бит синең бер колың.
    Җаннарыма нурын сибә
    Таңнарының яктысы.
    Гомерлеккә калды синдә
    Йөрәгемнең яртысы.
    Яшәгән Сара апада,
    Дус булган күпләр белән.
    Тырыш булган Гакыйль абый,
    Ярдәм итә дә белгән.
    Кечкенәдән сабыр булган,
    Нык ихтыярлы, түзем.
    Дәресенә өлгергән ул
    Кышын, язын һәм көзен.
    Ялыктырган,бик арыткан
    Ик(е) авыл аралары.
    Гакыйль  хәлен белгән микән
    Бикколның балалары?..
    Кая инде "3”ле булсын,
    "4”ле дә алмаган ул.
    Көн саен -"5”, еллыкта - "5”!
    Укудан туймаган ул.
    Явыз фашист ятим иткән,
    Калган алар әтисез.
    Тол хатын ятимнәр белән
    Нишләр иде Җүрәйсез.
    Җүрәем, син минем Җүрәем
    Күңелне сихерли һәр җәең.
    Сер тулы зәңгәрсу кичләрең
    Уята иң кайнар хисләрне, –
     дип мәдхия җырлый Гакыйль  абый шагыйрь булгач.
     Булдыклы, уңган егетне
    Бәхетсезлек саклаган.
    Чирен дәвалау серләрен
    Профессор да тапмаган.
    Тәкьдир шулдыр. Менә ничә еллар
    Хәрәкәтсез ята урында.
    Шул хәлдә дә кеше булып калган
    Гаҗәпләнәм шуны уйлыйм да.
    Кеше! Әле нинди кеше!
    Үз халкына бик тә кирәкле.
    Ышанычлы дус,тугры иптәш,
    Ул - ярдәмчел,батыр йөрәкле.
    Тау – ташлардан ныграк холкы белән
    Таң калдырып һәрбер кешене,
    Язмышларга каршы күтәрелгән
    Кеше диеп атыйм мин Сезне.
     Шигырен укыйм – рәсемен күргән кебек,
    Рәсеменнән ишетәм шигырен.
    Мең кат исбатланган: шигърияттә - рәссам,
    Рәсем сәнгатендә шагыйрь ул.
    Бер – бер артлы һаман шигырь яза
    Явыз язмышына бирешми.
    Гакыйль  абый  җаны – тәне белән
    Көнне төнгә ялгап гел эшли.
    Зирәк акылы, көчле рухы белән
         Үрнәк ул олыга,кечегә.
    Һич тә хата булмас: батырларның
    Батыры дисәк бу Кешегә.
    Рәхмәт Сезгә, Гакыйль  абый!
    Сез хөрмәткә, данга бик лаек.
    Шифа биргән иҗатыгыз өчен
    Сезне мәңге хөрмәт итәр халык.
    Шундый олы шәхес "дуслар” диеп
    Атый икән безне яратып.
    Яшик әле янып, ялкынланып,
    Дуслар өчен җирдә җан атып.


    Сайтның авторы Аглиуллина Гульназ © 2024
    Сделать бесплатный сайт с uCoz